IBUKIA TAANGA
1 Te Berita n te Mare
AE NANONAKI IAI
Buumwaane ao buuaine ake e kakawaki irouia aia berita, a taraia bwa te bwai ni kabaebae ae teimatoa, ao e reke bwa kamanoaia. A rau nanoia n ataakin ae a na teimatoa n tiku bwa taanga, n taai naba aika riki iai kangaanga.
A kateimatoa aia mare tabeman taanga ibukia raoraoia ke aia utu. Ma ae raoiroi riki, bon aia berita ae boto i aon aroia ni kaai n tangiriia ao ni karinerine.
TE BOTO N REIREI MAN TE BAIBARA: “E aki riai naba ni kitana buuna te mwaane.”—1 I-Korinto 7:11.
“Ngkana e kakawaki iroum am mare, kariaia ae ko bure. Kai kabwarai buure ao waekoa ni kabwaraa am bure. Tarai baika riki bwa bwaai n tutuki ao tiaki baika a na karekea te buuraure.”—Micah.
BUKINA NGKAI E KAKAWAKI TE BERITA N TE MARE
Ngkana a kaaitara ma kangaanga taanga ake e aki kakawaki irouia aia berita, a kakai kangai, ‘Bon tiaki katauara bwa ti na iein,’ ao a ukeri angaia ni buuraure.
“A bati aika mareaki ma iangoan ae a kai buuraure ngkana e nakobuaka tekatekaia. Ngkana a mare aomata ao a a kaman iaiangoa ae a na buuraure n te taina, ae nanona bwa e a kamani mamaara aia berita man te moantai.”—Jean.
TE BWAI AE KO KONA NI KARAOIA
TUOKO I BON IROUM
N ami tai ni kauntaeka . . .
E roroko iroum ae ko uringaaba ngkai ko mare ma buum?
Ko iaiango bwa aongkoa buum temanna?
Ko kakangai, “N na kitaniko” ke “N na kakaaea riki buu temanna ae tangirai riki”?
Ngkana eng am kaeka nakon teuana ke e bati riki man titiraki aikai, aio ngkai am tai ni kamatoaa riki am berita.
MAROROAKINI BAIKAI MA BUUM
E a kekerikaaki kakaonimakira nakoni kakororaoan ara berita n ara mare? Ngkana eng, ao bukin tera?
Baikara mwaneka aika ti na karaoi ngkai ni kamatoaa riki iai ara berita n ara mare?
TAIAN IBUOBUOKI
Kokorea am reta ni kaota am tangira nakoni buum
Kaotia bwa ko kakororaoa am berita n arom ni katokaa taamneini buum i aon am taibora n am tabo ni mwakuri
Reitaki ma buum ni katoabong ngkana ko mwakuri ke ko raroa ma ngaia
TE BOTO N REIREI MAN TE BAIBARA: “Ane e botiia te Atua ao ke a tai karaureia, aomata.”—Mataio 19:6.