MWAKORO 8
Bukin Tera Bwa E Kakawaki Ibukim Maten Iesu?
E mate Iesu bwa ti aonga ni maiu. Ioane 3:16
Tenibong imwini maten Iesu ao a nakon ruanimatena aine tabeman, ao a kunea bwa ai akea iai. E a tia Iehova ni kauta Iesu man te mate.
Imwina ao e a kaoti nakoia ana abotoro.
Eng, e a tia Iehova ni kauta Iesu nakon te maiu n taamnei ae rangi ni mwaaka ae aki mamate. A nora Iesu taan rimwina ngke e rierake nako karawa.
E kautaki Iesu iroun te Atua, ao e a Kaueaa n Ana Tautaeka n Uea. Taniera 7:13, 14
E anga maiuna Iesu bwa te kaboomwi ibukin te botannaomata. (Mataio 20:28) Rinanon te kaboomwi, ao te Atua e a karekea iai te anga ae ti na maiu n aki toki.
E a rineaki Iesu iroun Iehova bwa te Uea ae e na tautaekana te aonnaba. Iai 144,000 ake a kakaonimaki aika a kautaki mai aon te aba nakon te maiu i karawa, bwa a na tautaeka ma ngaia. A katea te tautaeka ae raoiroi i karawa ae—Ana Tautaeka n Uea te Atua, Iesu ma raona ake 144,000.—Te Kaotioti 14:1-3.
E na bita te aonnaba aei nakon te bwaretaiti Ana Tautaeka n Uea te Atua. E nang toki te buaka, te mwakuri ni kakeru, te maiu ni kainnano ao te baki. A nang kukurei aomata.—Taian Areru 145:16.