“N na . . . Rikoingkami ni Kabane”​—E Beritanaki Kaokan te Taromauri ae Itiaki

E a uruaki te katiteuanaaki i Iteraera bwa a a tia n tannako man te koaua kaaina. E a rotaki Iteraera ni mwin nako ana mwakuri. E kamwaraea te taromauri ae itiaki ao ni kabuakakaa aran te Atua. N tain te kangaanga aei ao Iehova e a kaira Etekiera bwa e na taekin taetae ni burabeti aika karekea te kantaninga ae raoiroi. Ni kabonganaan taeka aika kauekei iangoan taamnei aika kamaiu ao miitara aika kamimi ma ni kakamaaku, e aki tii kaungaia iai I-Iteraera ake taenikai Iehova, ma e kaungaia ni kabane te koraki ake a a rangi ni kan nora kaokan te taromauri ae itiaki.