Tembora Aika Kakaokoro ao Reireiara Aika Kakaokoro

Te Tembora ae n Ana Miitara Etekiera:

• E kabwarabwaraaki iroun Etekiera, ibukia I-Iutaia ake taenikai i Baburon

• Iai te baonikarea iai ae a kareanaki iai karea aika bati

• E katerei ana kaetieti Iehova aika raraoi ibukin te taromauri

• E kaatuuaki nakoira iai taekani kaokan te taromauri ae itiaki are e moanaki n 1919

Te Tembora n Taamnei ae Kakannato:

• E kabwarabwaraaki irouni Bauro, nakoia Kristian aika taian Ebera

• Iai te baonikarea iai ae e kareanaki iai te karea ae tii teuana n “tii te taina ma e manena n aki toki” (Ebera 10:10)

• E kabwarabwaraa te bwai ni koaua ae irekereke ma te onimaki, ae ana babaire Iehova ibukin te taromauri ae itiaki are boto i aon ana karea ni kaboomwi Kristo, are a tei ibukina te umwanrianna ae tabu ao tembora ake ngkoa

• E kaatuui ara iango i aon ana mwakuri Kristo are karaoia, ngkai ngaia te Ibonga ae Rietata ae Kakannato Riki man 29 n uaa 33 C.E.