REIREI 18

E na Kakaongora ao ni Manena Nakoia Taan Ongora

1 I-Korinto 9:19-23

KABWARABWARAANA: Kammwakura aia iango taan ongora, bwa a aonga n ataia ae iai reireiaia ae reke mai iai.

Iaiangoa te bae a a kaman ataia taan ongora. N oneani mwin are ko na kaokiokii baike a a tia n atai mai mwaina, buokiia bwa a na karekea reireiaia ae kaokoro ma are a taneiai iai.

Rinanoi baike a taneiai iai n te aro ae baitii, ma karaurau ngkana ko maroroakin iango aika boou.
Karaoa am kakaae ao kananoa am iango. Ngkana e angaraoi, taekini baike a tuai n ongo mai mwaina ke baika tibwa riki, ni kamataatai iai reirei aika kakawaki. Iaiangoa raoi am reirei ao irekerekena ma baike ko kan taekin.

Ngkana ko rinanon am reirei, kammwakura am iango n titirakiniko n titiraki aikai, ‘tera, bukin tera, n ningai, ia, antai, ao n te aro raa.’ Kamaiua am angareirei n arom n tabeki tabeua mai buakon titiraki akanne ao ni kaekai n am tai ni kabwarabwara.
Kaota manenan am reirei. Kabwarabwaraa bwa a na kangaa taan ongora ni buokaki ni maiuia ni katoabong man reirei aika kakawaki n te Baibara. Maroroakini kangaanga, aroaro, ke mwakuri riki tabeua, aika kaineti riki nakoia taan ongora.