TE MANGA OKI
REIREI 7
Te Botumwaaka
Te boto n reirei: “A . . . angareirei ao n tataekina te rongorongo ae raoiroi . . . n aki toki.”—Mwa. 5:42.
Te Baere E Karaoia Bauro
1. Mataku n te TAAMNEI, ke wareka Mwakuri 19:8-10. Imwina ao nori titiraki aikai:
N oneani mwin are e na kabwaraa nanona ngke iai aika a kakaitaraa, e kangaa Bauro ni botumwaaka ni buokiia ake a kan ongora?
Mwaitira ana tai Bauro n okiriia n reireinia ake a kan ongora aikai, ao maanra ni karaoa anne?
Tera Reireiara Mairouni Bauro?
2. Ti riai ni kabanea ara tai ao korakorara ni kakaraoa te manga oki ao ni moana te reirei n te Baibara.
Kakairi Irouni Bauro
3. Kaangaraoa am babaire nakon am aomata. Titirakiniko aei: ‘N ningai ae N na kawaria iai? N te tai raa ao n te tabo raa ae e na kona n reke iai ara maroro?’ Tauraoi n okiria e ngae naba ngkana e aki angaraoi iroum.
4. Karaoa ami boraraoi. Ni katoaa tokin ami maroro, kataia ni kamatoaa te tai are ko na manga maroro iai ma ngaia. Ao kakoroa nanon ami boraraoi anne.
5. Kateimatoa te kantaninga ae raoiroi. Tai waekoa n iangoia bwa e aki kan ongora te aomata ngkana e aki bati n rereke n ana auti ke e tatabetabe n angin te tai. (1Kor. 13:4, 7) Ma n oneani mwin anne, teimatoa ni botumwaaka ma kamanena raoi am tai ma te wanawana.—1Kor. 9:26.