‘Teimatoa ni Karineia Taari Aika ai Aroia Naakai’

NI MOA man 1992, e a tia te Rabwata n Tautaeka n rineia unimwaane aika Kristian ake a ikawai n te onimaki bwa a na buoka ana komete nako ibukini karaoan tabeia.a A a anga aia boutoka ae kakawaki nakon te Rabwata n Tautaeka, taan ibuobuoki aikai aika “tiibu tabemwaang.” (Ioa. 10:16) A kaei boowin aia komete ae boo ni katoa wiki are a baireaki iai ao a aanga rongorongon te baere e na maroroakinaki ao kanakoraoaia. A karaoa te kabanea ni babaire kaain te Rabwata n Tautaeka, ma a taraia raoi taan ibuobuoki bwa e na iraki nanon aia kaetieti kaain te komete ao a karaoi mwiokoaia nako ake a anganaki. A raonia naba kaain te Rabwata n Tautaeka nakoni botaki aika okoro ao bwabwaro ibukin aaba aika kakaokoro. A kona naba ni mwiokoaki bwa a na kawari aobiti n tararua ao n riki bwa taan tei ibukini kautun ara botaki.

E taku te tia ibuobuoki temanna are e beku ngke e moani karaoaki te babaire: “A kona ni kabanea te tai ae bati riki kaain te Rabwata n Tautaeka i aoni bwaai n taamnei tabeua, ngkana I tabeakin raoi baike I mwiokoaki iai.” E tarai uabwi te ririki n nako te tari te mwaane temanna are beku bwa te tia ibuobuoki, ao e taku: “Bon te mwioko ae rangi ni kakawaki ae I aki kantaningaia.”

E rangi n onimakinia taan ibuobuoki aikai te Rabwata n Tautaeka ao e kakaitau ni mwakuri aika raraoi ake a karaoi taari aika kakaonimaki mani mwakuri korakora aikai. Ti bia bane n ‘teimatoa ni karineia taari aika ai aroia naakai.’—IBir. 2:29.