Tera ana namakin te Atua n rawawatam?
A kakoauaa tabeman bwa e aki nora te rawawata te Atua ao e aki tabe iai.
IANGOA TE BAE E TAEKINAKI N TE BAIRABA
E nori bwaai nako te Atua ao e tabe iai
“Iehova e nora buakakaia aomata bwa e a korakora n te aonnaba . . . , ao e nanokawaki.”—Karikani Bwaai 6:5, 6.
E na katoka te rawawata ni kabane te Atua
“Ai tii teutana riki ao a nang akea aomata aika buakaka, ko na tarataraa aia tabo ao a na akea iai. Ma a na abana te aonnaba akana nimamannei, ao e na korakora kimwareireia n te rau ae bati.”—Taian Areru 37:10, 11.
Tera ae e tangiria te Atua ibukim
“‘I ataa te bwai ae N na karaoia nakoimi,’ bon ana taeka Iehova, ‘N na anganingkami te rau ao tiaki te kabuanibwai, bwa e aonga n reke iroumi te bwai ae raoiroi nakon taai aika a na roko, ao te kantaninga. Ao ane kam na weteai ma n roko ao n tataro nakoiu, ao N na ongo iroumi.’”—Ieremia 29:11, 12.
“Kaania te Atua, ao ane e na kaaningkami.”—Iakobo 4:8.