The Bible​—Accurate History, Reliable Prophecy

Tera te kakoaua ae oti bwa a eti raoi rongorongon rimoa aika n te Baibara? Baikara taetae ni burabeti n te Baibara ake a a tia ni koro bukia, are ti na kona ni kakoauaa iai bwa a na koro naba bukin taetae ni burabeti aika a na roko? A na iangoaki titiraki aikai n te birim ae The Bible​—Accurate History, Reliable Prophecy, ae katenuani mwakoron te DVD ae The Bible​—A Book of Fact and Prophecy. Ko kona ni kaekai titiraki aikai imwin noran te birim aei?

(1) Antai Nibwan rongorongo aika a kona n onimakinaki, ake n te Baibara? (Tan. 2:28) (2) E kanga te Baibara ni kabwarabwaraa raoi Aikubita rimoa, ao e kanga ni kakoroaki bukin te taetae ni burabeti n Itaia 19:3, 4? (3) E kanga ni kakoauaaki ana rongorongo te Baibara ibukia kaain Aturia, aia uea, ao maunan Aturia, ni bwaai ake a kuneaki i aantano irouia taan rabakau? (Naum 3:1, 7, 13) (4) Baikara taetae ni burabeti ibukini Baburon ake a a tia ni kakoroaki bukia? (Ier. 20:4; 50:38; 51:30) (5) Tera te taetae ni burabeti ni kaineti ma I-Miria ao I-Bootia ae e kakoroaki bukina? (Ita. 44:28) (6) E a kanga ni kakoroaki bukin Taniera 7:6 ao 8:5, 8 ni kaineti ma Kuriiti? (7) E a kanga ni kakoroaki bukin Taniera 7:7 ngke e a tautaekana te aonnaba Rom? (8) Antai taiani Kaitara ake a mwaneweaki n te Baibara? (9) Tera ae riki nakoia Kristian i aan ana tautaeka Nero? (10) A kanga ni kakoroaki bukin taetae ni burabeti aika n Te Kaotioti 13:11 ao 17:10? (11) Tera ae tei ibukin te kawaniman n uea? (12) Baikara bwaai ake a noraki n te birim ake a kakoauaa Te Minita 8:9? (13) Baikara taetae ni burabeti aika ko ingainga ni kan nori kakoroani bukia? (14) Ko na kanga ni kamanena te birim aei ni kakoauaa nakoia aomata tabeman riki bwa te Baibara boni mairoun te Atua?