“Aanga Maekatin Ake a Maan Taia ke Teuana Mai Buakoni Boroutia Are e Anaa Nanon te Aomata”

I nanon namwakaina ake ti kabongana iai te boki ae Ana Reirei te Baibara ao ni moani reirei n ara moan auti, ti kaungaaki bwa ti na “aanga maekatin ake a maan taia ke teuana mai buakoni boroutia are e anaa nanon te aomata,” e ngae naba ngkana e a kaman reke te boki anne iroun temanna kaain te auti ao e aki naba butimwaea te reirei n te Baibara. Bukin tera?

Iai i nanoni boroutia ao maekatin ake a maan taia, rongorongo aika kakaokoro aika a rokoraoi n taia ake a kainnanoaki iai. E kona n ringaki nanoia kaain te auti n te rongorongo teuana ae mena i nanon teuana mai buakoni booki akanne. Mangaia are ngkana ko katauraoa am baeki ibukin te uarongorongo, ao karin naba i nanona boroutia tabeua aika kakaokoro ao maekatin ake a maan taia. Ngkana akea iroum maekatin ake a maan taia, tao ko kona ni karekei tabeua man te kabwate ni boki. Ma ngkana e a kaman reke te boki ae Ana Reirei te Baibara iroun temanna kaain te auti ao e aki naba kukurei n reirei n te Baibara, ko kona ni kaota nakoina tabeua mai buakoni maekatin ao boroutia ake iai iroum, ao n tuangnga bwa e na rinea are e anaaki iai nanona. Imwina, karaoi babaire ibukini manga okirana ibukini karikirakean nanona ni kan ongora. Tao e na kona ni moanaki te reirei n te Baibara ma ngaia.