Aroni Kabwarabwaraan te Maekatin

Te Taua-n-Tantani Tun 1

“A bati aomata aika kakoauaa bwa a riai Aaro n irekereke ma te waaki n tautaeka, ma iai naba aika a kakoauaa bwa a aki riai n reitaki Aaro ma tautaeka. Tera am iango? [Kariaia te kaeka.] Nora te bwai ae karaoia Iesu ngke a tangiria aomata bwa e na irekereke ma te waaki n tautaeka n ana tai. [Wareka Ioane 6:15.] E kabwarabwaraaki n te maekatin aei bukini karaoan anne iroun Iesu, ao e maroroakinaki naba iai te anga ae te kabanea n tamaroa ibukia Kristian ae a kona ni buokiia iai kaain aia aono.”

Te Taua-n-Tantani Turai 1

Wareka Itaia 42:8. Imwina taekina ae kangai: “E taekinaki n te kibu aei bwa iai aran te Atua. N am iango, e kakawaki iroura bwa ti na kabongana aran te Atua? [Kariaia te kaeka.] Nora ae taekinaki ikai.” Angania kaain te auti Te Taua-n-Tantani ae bwain Turai, ao rinanoa te kaongora ae mena i aan te moan atu n iteraniba 10. Anga te maekatin ao bairea manga okim ni maroroakina te titiraki are imwina n te iteraniba naba anne.