Aroni Kabwarabwaraan te Maekatin

Te Taua-n-Tantani Nobembwa 1

“Kioina ngkai a bati aomata aika a babakanikawai, a a iangoia tabeman bwa a riai naba ni babakanikawai ibukini karekeani maiuia. Tera am iango? [Kariaia te kaeka.] Iangoa te boto n reirei aei man te Baibara ae e na buokiko ni karaoa am motinnano.” Rairia nakon iteraniba nimaua n te maekatin ao wareka teuana te kibu ae kaotaki n te iteraniba anne. Taekina te katoto ae koaua man te kaongora anne, ae rongorongon temanna ae maiuakina te boto n reirei aei ao arona ni buokaki iai.

Te Taua-n-Tantani Ritembwa 1

“Ti kan ataa am iango n te titiraki aei. Ngkana ko kona n titirakina te Atua, ao tera ae ko na titirakinna? [Kariaia te kaeka.] Ni kaineti ma are e taekinna Iesu, e raoiroi riki bwa ti na ukeri kaekaan ara titiraki. [Wareka Mataio 7:7.] A kaotaki n te maekatin aei kaekaan titiraki aika tenua aika kakawaki aikai man te Baibara.” Kaotii titiraki akanne aika mena i nano n iteraniba 3, nakoni kaain te auti.