Ara Atureti ae Kakawaraki n te Internet—Kabongana Ibukin Am Ukeuke n Reirei i Bon Iroum ao Am Reirei n Utu
Wareka te Maekatin ae Boou n te Internet: Wareka Te Taua-n-Tantani ao te Awake! n te Internet tabeua te wiki imwain rekeni katotona n te ekaretia. Ongoraea kanoan te maekatin rinanon te bwanaa ae e a tia n raweaki.—Nakon te taeka ae “Publications/Magazines.”
Wareka te Kaongora ae Tii Kaotaki n Ara Atureti: Iai ngkai kaongora tabeua aika a tii kaotaki n ara atureti n aron, “For Young People,” “My Bible Lessons,” “For Family Review,” ao “Young People Ask.” Kauka te Internet ao rinanoi tabeua mai buakoni kaongora aikai n am ukeuke n reirei i bon iroum ao am reirei n utu.—Nakon te taeka ae “Bible Teachings/Children” ke “Bible Teachings/Teenagers.”
Karekei Rongorongo Aika Boou: Wareki rongorongo ao ribooti aika kaunganano, ao mataku n te taamnei ae kaota rikiraken ara mwakuri ni katobibia te aonnaba. A kona ni buokira ribooti i aoni kabuanibwai aika karina ao te bwainikirinaki, bwa ti na kaineta ara tataro nakoia tarira n te onimaki aika rotakibuaka ni kangaanga akanne. (Iak. 5:16)—Nakon te taeka ae “News.”
Kabongana te Online Library n Am Ukeuke: Ngkana e tauraoi n am taetae te bwai n ibuobuoki aei, kabongana am kaombiuta ke am tareboon ae uouotaki ni wareka iai te kibu ni katoabong n te Internet ke karaoa am ukeuke ni booki tabeua aika tibwa otinako.—Nakon te taeka ae “Publications/Online Library,” ke taibina www.wol.jw.org n te tabo are ko na kakaaei iai atureti n te Internet.
[Diagram n iteraniba 4]
(Ibukini bitakin taeka, nori booki)
Kataia
1 Kotea te taamnei ke ko kona n “Download.” Ko kona n nora te taamnei n te PDF. Ko kona ni boreetia ao n angania natim bwa aia bwai n reirei.
2 Kotea te taeka ae “Play” ni matakuakina iai te taamnei.