Aroni Kabwarabwaraan te Maekatin

Moanakin te Reirei n te Baibara n te Moani Kaonobong n Eberi

“Ti kaungaia kaain rarikira bwa a na wareware n te Baibara. Ma a bati aomata aika a iangoia bwa e kangaanga te ota ni kanoan te Baibara. Ko kakoauaa anne? [Kariaia te kaeka.] Nora ae taekinaki ikai.” Kaota nakoina akun Te Taua-n-Tantani ae bwain Eberi 1, ao rinanoa ma ngaia te kaongora n te moan titiraki ao teuana te kibu. Aanga te maekatin, ao bairea manga okirana ni maroroakina te titiraki are imwina ae kaotaki naba n te iteraniba anne.

Te Taua-n-Tantani Eberi 1

“A bane ni kaaitara ma kangaanga aomata aika ti maroro ma ngaiia. Ibukin aei, a kona tabeman n iangoa aroni manenan te maiu aei. Ko kona n taekina teuana te bwai n tutuki ae moan te korakora ibukini karekean te kukurei ni boong aikai? [Kariaia te kaeka.] E beritanaki n te Baibara bwa e a kaan te tai are e nang katoki iai kangaanga te Atua aika ti kaaitarai ngkai. [Wareka Te Kaotioti 21:4.] E maroroakinaki n te maekatin aei ara kantaninga n taai aika imwaira ao arora ni karekea te maiu ae manena ni boong aikai.”