Aroni Kabwarabwaraan te Maekatin

Moanakin te Reirei n te Baibara n te Moani Kaonobong n Okitobwa

“Ti kawariia aomata nako n te bong aei, bwa ti kani maroro ma ngaiia n te tai ae uarereke. Angiia aomata ake ti maroro ma ngaiia, a taekinna bwa te kangaanga teuana ae rangi ni karawawata ae a kaitaraa, boni maten ae tangiraki irouia. Anne naba ae ko namakinna? [Kariaia te kaeka.] Iai ikai te rongorongo ae I kunea ae kaunganano.” Kaota nakoina akun Te Taua-n-Tantani ae bwain Okitobwa 1, ao rinanoa ma ngaia te kaongora n te moan titiraki ao teuana te kibu. Aanga te maekatin, ao bairea manga okim ni maroroakina te titiraki are imwina ae kaotaki naba n te iteraniba anne.

Te Taua-n-Tantani Okitobwa 1

“Ti kawariia aomata nako ao ni maroro ma ngaiia n te tai ae uarereke, ni kaungaia warekan te Baibara. Ti ataia ae aomata tabeman a kan ongoraei rongorongo aika n te Baibara, ma ake tabeman a rawa iai. Ao ngkoe, tera am iango? [Kariaia te kaeka.] E kateretereaki n te Baibara te taeka aei. [Wareka 1 I-Tetaronike 2:13.] Akea au nanououa bwa ko na bae ni kakoauaa bwa ngkana te Baibara bon te boki mairoun te Atua, ngkanne e kakawaki warekana. E taekinaki n te maekatin aei n te aro ae kimototo, te rongorongo n te Baibara ao bukina ngkai ti riai n reiakinna.”