Tera ae Ko na Karaoia ni Boong ni Motirawa?

Ibukina bwa a bati aomata ake a aki mwakuri ao a tiku ni mwengaia n aia bong ni motirawa Aaro ke tautaeka, a nakoraoi ibukira n angiin te tai boong ni motirawa aikai ibukin uataboan te mwakuri ni minita. A kaungaaki ekaretia nako bwa a na karaoa aia babaire ae okoro ibukin te uarongorongo ni boong ni motirawa. Ngkana a kabwakanakotai ni matu angiia kaain te aono ni boong ni motirawa nakon are a taneiai ni matu iai, e nakoraoi riki ngkana e bitaki tain te botaki ibukin te mwakuri ni minita. E na katanoataaki nakoia kaain te ekaretia n Te Botaki Ibukin te Uarongorongo, te babaire ae okoro ibukin te uarongorongo ni boong ni motirawa, ao a kaungaaki ni kabane ake a kona n uataboia. Ni koauana, e reke naba ara tai ni motirawa ke ni karaoi oin tabera ni boong ni motirawa. Ma e aera ko aki kamwaawa am tai ibukin te mwakuri ni minita? Ko na karekea iai ngkanne te kabebetenano ae reke man uataboan te beku ae tabu.​—Mat. 11:29, 30.