Buokiia Bwa A na “Kateimatoaaki n te Onimaki”

E kakukurei norakin aron Iehova ni kakabwaiaa ikoikotakia aomata ae raka i aoni kaamwakoron te mirion mwaitiia aika bwabetitoaki ni katoa ririki. (TuaKau. 28:2) N te tai are e buoka iai ae reirei n te Baibara te tia uarongorongo bwa e na bwabetitoaki, e a bon nakon te tia uarongorongo bwa tao e na katoka ana reirei ma te aomata anne ke e na aki ao ni kaatuua buokaia tabemwaang. E kona naba n iangoia te aomata ae reirei n te Baibara bwa e na katoka ana reirei bwa e aonga ni kabanea riki ana tai n te mwakuri ni minita. Ma e ngae n anne, e kakawaki iroun te aomata ae reirei n te Baibara bwa e na karekea aan te koaua ae tamaroa. A riai ni ‘kaneneaki wakaaia’ i nanoni Kristo ao ni “kateimatoaaki n te onimaki.” (IKoro. 2:6, 7; 2 Tim. 3:12) Mangaia are imwini bwabetitoan te aomata ae reirei n te Baibara, e riai n reitaanako ana reirei n te Baibara ni karokoa ae a bane irouna booki aika Ana Reirei te Baibara ao ‘Tangiraki Iroun te Atua.’​—Nora Ara Mwakuri ni Minita ae bwain Eberi 2011, iteraniba 2.