Karikirakean Rabakaura n te Mwakuri ni Minita​—Moanakin te Maroro n te Uarongorongo n te Tai ae Aki Baireaki

Bukina ae Kakawaki: Ngkana ti uataboa te mwakuri ni minita man te auti teuana ma teuana, ti aki toki n noria bwa akea aomata n aia auti. Ma e ngae n anne, ti kona ni kaitiboo ma ngaiia ngkana ti tokari baao ni mwamwananga, ti tataninga n te onnaoraki, ni motirawan te mwakuri ke te reirei ao a mwaiti riki. Bon nanon Iehova bwa a riai aomata nako n ongoraea rongorongon te Tautaeka n Uea. (1Tim. 2:3, 4) Ti riai ni biririmoa ni moana te maroro bwa ti aonga n uarongorongo nakoia n taai nako.