Kamanena Mwaakan Ana Taeka te Atua n Am Mwakuri ni Minita
Ngkana e kariaia temanna bwa ti na taekina te rongorongo ae raoiroi nakoina, ti riai n aki tabwara ao ni kabongana mwaakan Ana Taeka te Atua ae te Baibara ni wareki kiibu mai iai. E katuruturuaki aei ni kanoan te bong n runga ae okoro n te ririki ae nako. E anga te kabwarabwara te mataniwi ae mwamwananga ae kangai: “Kamanena Mwaakan Ana Taeka te Atua n Am Mwakuri ni Minita.” Ko uringi booto n reirei aikai?
E aera bwa e mwaaka riki ana taeka Iehova nakon ara taeka?—2 Ti. 3:16, 17.
E kangaa te Baibara ni kauekei namakin, e kanakoraoa am iango, e katamaroa am kantaninga ao e bita aroarom?—Nora Te Taua-n-Tantani, Tun 1, 2012, i. 30, bar. 7.
Ngkana ti wareka te kibu n ara tai n uarongorongo, ti na kangaa n anaa nanon te aomata nakon Ana Taeka te Atua n te aro ae e na karinea?—Nora te boki ae te Ministry School, i. 148, bar. 3-4 ao bwaini Maati 2013 n Ara Mwakuri ni Minita, i. 8, bar. 8.
E aera bwa e kakawaki kabwarabwaraan ao kaotani bukini kiibu ake ti wareki ao ti na kangaa ni karaoia?—Mwa. 17:2, 3; nora te boki ae te Ministry School, i. 154, bar. 4 nakon i. 156, bar. 5.