“These Words . . . Must Be on Your Heart”

Titeboo kaaro ma taani kawakin tiibu. A riai ni kawakinia raoi natiia, aika a kai rekenako ao ni kai mwane. (TNR. 27:23) A na kangaa kaaro ni kakororaoa mwiokoaia aei? A riai ni mamaroro ma natiia ni katoabong, n te aro ae a na atai aia iango ao nanoia. (TNR. 20:5) A riai naba kaaro ni kakorakoraa aia onimaki natiia ni kabonganai bwaai aika aki kai bue. (1Ko. 3:10-15) N te birim ae “These Words . . . Must Be on Your Heart” ao e katuruturuaki iai kakawakin te katoatai n taromauri n utu. Matakuakinna ma am utu ao imwina maroroakin titiraki aikai.

(1) Tera ae kaira ana utu Roman bwa a na aki kaatuui aia iango ni bwaai n taamnei? (2) E aera ngkai e aki nakoraoi ana moani kakorakora Brother Roman ibukin te taromauri n utu? (3) Tera te anga man te Baibara ae te kabanea n tamaroa ibukini kanakoraoani kaikawaaia ataei? (TTK. 6:6,  7) (4) E na kangaa ni karaoaki te maroro ae tamaroa n te utu? (5) Baikara bwaai aika kainnanoi ataei bwa a na karaoia aia karo ibukiia? (6) Tera uaan aia mwakuri ae raoiroi nakoia ana utu Roman, Brother ao Sister Barrow? (TNR. 27:17) (7) Tera ae e riai ni kamani katauraoia atun te utu n te aro ae na nakoraoi iai aia taromauri n utu? (8) E kangaa Brother Roman ni moanna ni kanakoraoi bwaai n ana utu? (9) E aera bwa e kakawaki kateimatoaan te taromauri n utu? (Ebt. 6:4) (10) Baikara iango tabeua aika manena ibukin te taromauri n utu? (11) E kangaa ni buokaki Marcus n nora kakawakini karaoan ae raoiroi, man aron Brother Roman n taotaona nanona ma e aki bita ana babaire? (Ier. 17:9) (12) A kangaa Brother ao Sister Roman, ni buoka Rebecca ni karaoa ana motinnano ae eti ibukin reitakina ma Justin? (Mrk. 12:30; 2Tim. 2:22) (13) A kangaa ni kaotiota te onimaki Brother ao Sister Roman, ni karaoani bitaki ni maiuia? (Mt. 6:33) (14) E kangaa te birim aei ni katereterea kainnanoan bwaai n taamnei irouia atun utu ibukia aia utu? (1Tim. 5:8) (15) Tera am motinnano ngkai atun te utu ngkoe?

TE TAEKA NAKOIA ATUN UTU: E karaoaki te kaotioti aei ibukin taai aikai, ni bwabwaro ibukin te aono n 2011. N te tai anne, ko nori baika a na kanakoraoaki n am taromauri n utu? Tera aroia ngkai? Ngkana iai bitaki riki aika tangiraki, tataroakini ibukini kateimatoaani kakabwaiaan am utu.—Ebt. 5:15-17.