Karikirakean Rabakaura n te Mwakuri ni Minita​—Uarongorongo n Taabo ni Bitineti

Bukini Kakawakina: N angiin te tai, e raoiroi riki uarongorongoan te Tautaeka n Uea nakoia aomata n taabo ni mwakuri, kioina ngkai a kabanea te aoa ae bati iai. E kona ni kakukurei ao n uaana te uarongorongo n taabo ni bitineti, ibukina bwa a bati aomata iai ao a kaotiota te akoi taani mwakuri nakoia naake a iangoiia bwa a na boobwai irouia. A riai ni bwaina te iangoraoi taan uarongorongo ao n riki bwa banna ni katoto n aroia ni kunnikainia ao ni katamaroaia, bwa e aonga n uaana aia mwakuri. (2Kor. 6:3) Ngaia are, e riai te mataniwi ibukin te mwakuri ni bairea raoi taini mwakurian taabo ni bitineti ao irouia antai.