Ni moa man te namwakaina aei, e nang akea n te botaki n te wiki aron te maroro ake tenua. Ma e na iai n te Boki n Reirei ae Maiura ni Kristian ao Ara Mwakuri ni Minita aron te maroro ae kanoana te titiraki ni kaukuki, te kibu, ao reitana te titiraki ibukini karekean angan te manga oki. Tii teuana n te wiki aron te maroro ae e na kaotaki iai te taamnei. E kona te tia uarongorongo ni baireia bwa te boki raa man ara Bwai ni Mwakuri Ibukin te Angareirei ae e na kamanena ao n ningai, bwa tao ni moani kawaran te aomata ke ni manga okirana. Iai naba i nanon te boki n reirei iango ibukin te maroro ni kaineti ma okim ake uoua ake imwina. Ti na buokaki iai ni kaatuui ara iango i aon tiara ae reireinaia “te koraki nako ake a tauraoi nanoia ni butimwaea te koaua ae kairiia nakon te maiu are aki toki.”—Mwa 13:48.
Mwiokoaia Kaain te Kuura: Ngkana e aki oti n te kaetieti te bwai ae a na karaoia, a riai kaain te kuura ni kamanena aron te maroro are kaotaki.