“Karinea Tamam ma Tinam”

Ni maiun Iesu i aon te aba, e katuruturua te tua aei: “Karinea tamam ma tinam.” (TO 20:12; Mt 15:4) E aki wimakiki Iesu n taekina anne ibukina bwa e “teimatoa n ongeaba” irouia ana karo ngke e roro n rikirake. (Rk 2:51, kbn.) Ngke e a ikawai, e taraia raoi bwa imwini matena ao e na kawakinaki tinana.—Io 19:26, 27.

N ara bong aikai naba, rooro n rikirake aika Kristian ake a ongeaba irouia aia karo ao ni maroro ma ngaiia ma te karinerine, a kaota iai karineaia. Ni koauana, te tua ibukini karineaia ara karo bon akea tokina. E ngae ngkana a kara ara karo, ma ti riai n teimatoa ni karineia ao ti na kakabwaiaaki ni wanawanaia. (TNR 23:22) Ti karineia naba ara karo aika kara n arora n tabeakini kainnanoia ni kaineti ma te mwane ao aia namakin. (1Ti 5:8) E ngae ngkana ti roro n rikirake ke ti a kara ma kateimatoaan te maroro ae tamaroa ma ara karo bon te bwai ae kakawaki ibukini karineaia.

MATAKU N TE KOROTAAMNEI AE MAIU AE N NA KANGAA NI MARORO MA AU KARO? AO KAEKAI TITIRAKI AIKAI:

• E aera bwa e kona ni kangaanga ae ko na maroro ma am karo?

• Ko na kangaa ni karineia am karo ngkana ko maroro ma ngaiia?

  

• E aera bwa e uaana te kakorakora ni maroro ma am karo? (TNR 15:22)