BAIKA KAKAWAKI AIKA MENA N ANA TAEKA TE ATUA | 1 I-TETARONIKE 1-5
“Teimatoa ni Kaungaingkami i Marenami ao ni Kateimatoaingkami”
A kona Kristian ni kabane n anga te kaungaunga nakoia tabemwaang. N te katoto, ti kaungaia raora ni Kristian ngkana ti kakaonimaki n iririi bobotaki ao n uataboa te mwakuri ni minita, tao i buakon te kakorakora ae bati ibukin te aoraki ke kangaanga riki tabeua. (1Te 2:2) Irarikin anne, ngkana ti a kaman iaiangoi ara taeka ke ni karaoa ara ukeuke, ti a kona n taetae ni kabebeteia raora n te onimaki aika kainnanoa kaungaakia.
Ko na kunea ia te rongorongo ae e na buokiko ni kaungaa ane iai ana kangaanga?
Antai n te ekaretia ae ko kani kaungaa?