“Teimatoa n Iangoi Baikai”

Ae baikara? E kaotaki n I-Biribi 4:8 bwa ti na iangoi bwaai aika koaua, a kakawaki, a eti, a itiaki, a kauekea te tangira, a atongaki bwa a raoiroi, ao aika riai ni kamoamoaaki. Tiaki nanon aei bwa e riai te Kristian n iaiangoi kanoan te Baibara n taai nako. Ma baika ti rinei bwa ti na iaiangoi a riai ni kakukureia Iehova. Ti na aki iaiangoi baika a na kamamaraa kakaonimakira nakoina.​—TA 19:14.

E kona ni kangaanga iroura bwa ti na aki iaiangoi baika bubuaka. Ti riai n rarawa n iraanako nanora ae aki kororaoi ao ana kariri Tatan, ae “atuan te waaki ae ngkai i aon te aba.” (2Ko 4:4) Ibukina bwa e mena i aani mwaakana te waaki ni kanakorongorongo, a bon aki raoiroi kaongora n te terewitin, te rerio, te Intanete, ao baika boreetiaki. Ngkana ti aki beberinoi baika ti na karin n ara iango, e na boni baareka ara iango, ao n tokina e na rotakibuaka ara mwakuri.​—Iak 1:​14, 15.

MATAKU N TE TAAMNEI AE RARAWA NAKON TE BWAI AE URUA TE KAKAONIMAKI NI KOAUA​—TE KAAKIBOTU AE AKI RIAI, AO KAEKAI TITIRAKI AIKAI:

• 

  Tera are e mamatakuakinna te tari te mwaane aei n ana mobwaao ao tera aron rotakina iai?

• 

  E kangaa n reke buokana n I-Karatia 6:​7, 8 ao Taian Areru 119:37?