BAIKA KAKAWAKI AIKA MENA N ANA TAEKA TE ATUA | KARIKANI BWAAI 12-14
Te Berita ae Ko Irekereke Naba Iai
E karaoa Iehova te berita ma Aberaam, ike a a kona iai n tautaeka mai karawa Iesu ma naake raona
N taraana, e karaoaki te berita aei n 1943 B.C.E. ngke e rinanon te Karaanga ae Iuberetiti Aberaam ni mwanangana nako Kanaan
E na teimatoa te berita aei ni karokoa rokon te Tautaeka n Uea Iroun te Mesia ni kamaunaia taani kairiribai nakon te Atua ao n uotii kakabwaia nakoia aomata i aon te aba
E kakabwaiaaki Aberaam iroun Iehova ibukin ana onimaki ae korakora. Ngkana ti kaotiota onimakinan ana berita Iehova, baikara kakabwaia ake ti na karekei rinanon te berita ma Aberaam?