Teei n Nene Ngkai E a Uakaan te Toki

BUKINI KAKAWAKINA: A nang waekoa n riki baika kamimi aika ti tuai n nonori mai mwaina, aika a na kataa ninikoriara ao onimakinan Iehova iroura. E na moanaki te rawawata ae korakora ni kamaunaan te Aro ae kewe. (Mt 24:21; Kao 17:16, 17) N te tai ane rangi ni kamangaongao anne, ti na bae n taekina te rongorongo ae rangi ni matoatoa, ae taekan te motikitaeka. (Kao 16:21) Ti na boni buakanaki irouni Koka mai Makoka. (Etk 38:10-12, 14-16) Ma e na kamanoia ana aomata Iehova n arona ni karokoa “te buaka n te bong ae kakannato ae ana bong te Atua ae Moan te Mwaaka.” (Kao 16:14, 16) Ti riai n tei n nene ngkai i aani kataakin ara onimaki, bwa e aonga ni korakora riki ninikoriara ngkana a a riki raoi baikai.

ARONI KARAOANA:

• Boutokai ma te ninikoria ana kaetieti Iehova aika rietata ibukin te aroaro ni maiu ae riai.​—It 5:20

• Teimatoa n taromauri ma tarim n te onimaki.​—Ebr 10:24, 25

• Tatauraoi n ongeaba nakon te kairiri ae nako man ana botaki Iehova.​—Ebr 13:17

• Kananoa am iango i aon aron Iehova ni kamaiuia ana aomata ngkoa.​—2Be 2:9

• Tataro nakon Iehova ao onimakinna.​—TA 112:7, 8

MATAKU N TE TAAMNEI AE KANOAN TAAI AIKA A NA ROKO AIKA KAINNANOA TE NINIKORIA​—MWAKORONA, AO KAEKAI TITIRAKI AIKAI:

• 

  Tera are e kataa ongeabaia taan uarongorongo ngke e a ikotaki aia ekaretia ma ekaretia ake tabeua?

• 

  Tera irekereken te ninikoria ma te ongeaba?

• 

  E aera ngkai e na kainnanoaki te ninikoria n rokon Aremaketon?

• 

  Tera te rongorongo n te Baibara ae e na buokira ni kakorakoraa onimakinani mwaakan Iehova ni kakamaiu?​—2Ro 20:1-24