Te Bwai ae te Kabanea ni Kakawaki n te Umwanrianna ae Tabu

25:9, 21, 22

Te Ati ni Berita bon te bwai ae moan te kakawaki, n te umwanrianna ae tabu, ao n aia kaembwa I-Iteraera. E kaotaki menan te Atua i buakoia n te nang are i marenaia kerubim ake uoman are a mena i aoni matan te Ati ni Berita are ibukini karekeani kabwaraani buure. Ni katoa ririki n te Bongi ni Kabwarabure, ao e rin te ibonga ae rietata n te Ruu ae Moan te Tabu ao e katimtimwa raraan te kao mwaane ao te kooti i aoni matan te ati ni berita, ibukini karekeani kabwaraan aia bure I-Iteraera. (NI 16:14, 15) Aei boni bannan rinin Iesu, are te Ibonga ae Rietata ae kakannato riki, nako matan Iehova i karawa ao ni kaota kakawakin ana karea ni kaboomwi.​—Ebr 9:24-26.

Katoai kiibu aikai ma kakabwaia ake a tauraoi ibukira rinanon te kaboomwi:

KIIBU

• 1Io 1:8, 9

• Ebr 9:13, 14

• Ro 6:23

KAKABWAIA

• kantaningaan te maiu n aki toki

• kabwaraani buure

• te mataniwinnano ae itiaki

Tera ae ti riai ni karaoia ibukini karekeani kakabwaia aikai?