Karikirakean Rabakaura n Te Mwakuri ni Minita​—Te Uarongorongo n te Tareboon

BUKINI KAKAWAKINA: Te uarongorongo n te tareboon bon te anga ae kakawaki ae ‘kakororaoaki iai kaotiotan te rongorongo ae raoiroi.’ (Mwa 20:24)a E buokira bwa ti na uarongorongo nakon te aomata ae kangaanga kaitiboora ma ngaia.

ARONI KARAOANA:

• 

  Katauraoi. Rinea te maroro ae kaineti ma te aomata. Imwina, korei baika ko na taekini. Katauraoa naba am taeka ae kimototo ae kabwarabwaraa bukin am tareboon, ngkana e na kaekako te mitiin. E na ibuobuoki riki ngkana ko tekateka n te taibora ma baika ko na taekini ao baika ko na kainnanoi n aron am tareboon ni kauka iai te JW Library^® ke jw.org^®

• 

  Tai takaka. Taetae raoi. Wingare ao karaoa tein ubum n aron ae kaanga e bon noriko kaain te auti. Tai rangi ni kabatiaa tokitokin am taeka. E ibuobuoki naba ngkana iai raom ni karaoia. Ngkana e titiraki kaain te auti, manga taekina riki ana titiraki ni kabaibati bwa e aonga n reke ana tai toam ni buokiko ni kakaaea te kaeka

• 

  Karekea angani manga okirana. Ngkana e kan ongora te aomata, ko kona ni katuka te titiraki ae ko na kaekaa n am tareboon are imwina. Ko kona n tuangnga bwa ko na meeri nakoina, ko na boni kawaria, ke ni kanakoa nakoina ana bwai ni wareware. Ke ko tuangnga bwa ko na kanakoa rinanon te tareboon ke te meeri, ara taamnei teuana ke te kaongora teuana. Ngkana e angaraoi, tuanga te aomata taekan ara Online Bible Study Lessons ke te bwai riki teuana n ara atureti n te intanete