MAIURA NI KRISTIAN
Ti Kaotiota te Tangira ni Boutokaan Ana Reirei ni Kaetieti Iehova
Kabaneakin temanna man te ekaretia e boni kamanoa te ekaretia ao e reireinaki ni kaetaki iai te tia bure ae e aki raira nanona. (1Ko 5:6, 11) Ngkana ti boutokaa ana reirei ni kaetieti Iehova anne, ti a kaota iai te tangira. E na kangaa ni koaua anne ngkai kabaneakin temanna, e karekea rawawatan nanoia naake a irekereke iai, n ikotaki ma aia koraki ao ai kaain te komete ni kaboowi n te ekaretia?
Ae kakawaki riki, ti kaotia bwa ti tangiria ni kaitiaka taekan Iehova ao ti tangira ana kaetieti ibukin te itiaki. (1Be 1:14-16) Ti kaotiota naba iai tangiran te aomata are kabaneaki. E ngae ngke e kammaraki te reirei ni kaetieti ae matoatoa, ma e kona ni karika “te uaa n raoi ae te raoiroi.” (Ebr 12:5, 6, 11) Ti ekaanako ana reirei ni kaetieti Iehova ngkana ti reitaki ma te aomata ae kabaneaki ke ae boni kabanea i bon irouna. Uringnga are e anga te reirei ni kaetieti Iehova nakoia ana aomata “n te mwaiti ae bon riai.” (Ier 30:11) Ara kantaninga bwa e na bon okira Tamara ae nanoanga te aomata ae kabaneaki, ma ngkai moa ti teimatoa ni boutokaa ana reirei ni kaetieti Iehova ao ni kateimatoa ara iraorao ma ngaia.—It 1:16-18; 55:7.
MATAKU N TE TAAMNEI AE KATEIMATOA TE KAKAONIMAKI NI KOAUA N TE NANO AE KATITEUANAAKI, AO KAEKAI TITIRAKI AIKAI:
Tera te rawawata ae a rinanona kaaro aika Kristian ngkana e kitana Iehova natiia?
A na kangaa kaain te ekaretia ni boutokaiia kaain te utu ake a kakaonimaki?
Tera te rongorongo man te Baibara ae kaotia bwa e kakawaki riki te kakaonimaki ni koaua nakon Iehova, ao tiaki ara utu?
Ti na kangaa ni moanibwaia kakaonimakira ni koaua nakon Iehova, ao tiaki ara utu?