Kamanoa Am Mare

E iangoa Iehova te taetae ni bau n te mare bwa e rangi ni kakawaki. E taku bwa e riai te buu te mwaane n nim ma buuna. (Mt 19:5, 6) A bati ana aomata te Atua ae kakukurei tekatekaia n taanga. Ma e ngae n anne, akea te tekateka n taanga ae kororaoi. A kona n riki kangaanga. Ma ti aki riai ni kakoauaa te iango ae taabangaki ae te raure ao te buuraure boni katokan aia kangaanga taanga. A na kangaa taanga ni mare aika Kristian ni kamanoa aia mare?

Iangoi aanga aika nimaua aika kakawaki aikai.

1. Kawakina nanom n arom n rawa nakon te kababa ao baika bwaitingako, aika a kona ni kamamaara am mare.​—Mt 5:28; 2Be 2:14.

2. Kakorakoraa am iraorao ma te Atua, ao karikirakea kani kakukureiana n am mare.​—TA 97:10.

3. Teimatoa karina i aom te aroaro ae boou, ao karaoi mwakuri n akoi aika uarereke aika a na kakukureia buum.​—Kor 3:8-10, 12-14.

4. Kateimatoa te maroro ae kaota te karinerine ao ae uaana.​—Kor 4:6.

5. E riai n irianaki te wene n taanga, ma te mwamwannano ao te tangira.​—1Ko 7:3, 4; 10:24.

Ngkana a karinea te mare Kristian, a boni karinea iai te tia Karaoa te mare ae Iehova.

MATAKU N TE TAAMNEI AE TI RIAI NI “KANANOMWAAKAIRA NI BIRI”​—IRA TUAN TE KABOO, AO IMWINA KAEKAI TITIRAKI AIKAI:

• 

  E ngae ngke e taraa n nakoraoi moanakin te tekateka n taanga, ma baikara kangaanga aika a kona n riki?

• 

  A kangaa ana boto n reirei te Baibara ni buokiia naake a namakinna bwa ai akea te tangira n tekatekaia n taanga?

• 

  Baikara tuua aika e katauraoi Iehova ibukin te tekateka n taanga?

• Tera ae a riai ni karaoia taanga ni mare bwa e aonga ni kakukurei tekatekaia?