Angareirei ma te Ingaingannano

A kona n rotaki tabemwaang n ingaingan nanora. A na kan ongora riki iroura aomata ngkana ti kaota te ingaingannano. E oti naba iai bwa e kakawaki iroura ara rongorongo. N aki ongeia bwa kaain ia ngaira ke tera aroarora, ma ti boni kona ni karikirakea te ingaingannano. (Ro 12:11) N te aro raa?

Te moan, iangoa kakawakin am rongorongo. Ko mwiokoaki bwa ko na “tataekina te rongorongo ae raoiroi ae taekani baika raraoi!” (Ro 10:15) Te kauoua, iaiangoa aron te rongorongo ae raoiroi ni kona ni kanakoraoa maiuia naake a ongora iroum. A bon riai n ongora n te bae ko na taekinna. (Ro 10:​13, 14) Te kabane, taetae ma te ingainga, n arom ni kateitei kain am maroro ni baim ao n ubum.

MATAKU N TE TAAMNEI AE KIMWAREIREI NI KAREKEAIA TAAN RIMWINI KRISTO​—KARIKIRAKEA RIKI RABAKAUM​—TE ANGAREIREI MA TE INGAINGANNANO, AO KAEKAI TITIRAKI AIKAI:

• 

  Tera are e katoka ingaingan nanon Neeta n ana reirei n te Baibara ma Jade?

• 

  Tera are e buoka Neeta bwa e na manga oki ingaingan nanona?

• 

  E aera ngkai ti riai n tataraa aroaroia aika raraoi naake a ongora iroura?

• A na kangaa n rotaki ara reirei n te Baibara ao tabeman riki n ingaingan nanora?