Antai Raoraom n Taabo n Reitaki n te Intanete?

E kabwarabwaraaki te taeka ae te rao bwa “te aomata ae nim ma temanna n te tangira ke n te karinerine.” N te katoto, e moanaki aia iraorao ae kaan Ionatan ao Tawita ngke e tia Tawita ni kamatea Koria. (1Ta 18:1) Iai irouia mwaane aikai aroaro aika a uaia n tangiriia iai. Ngaia are te iraorao ae nene e boboto i aon te atatai ae eti. Ni koauana, kinaakin raoi temanna e kainnanoa te tai ao te kakorakora. Ma n taabo n reitaki n te intanete, ko kona n riki bwa raoraon temanna, n tii kotean te bwatin teuana. Kioina ngkai aomata ake n taabo n reitaki n te intanete a kona ni bairei ao n tiatiani baike a kani kaotii nakoia aomata, e a kangaanga ngkanne kinaakia raoi. Ngaia are e raoiroi riki bwa ko na tiatiania raoraom n taabo n reitaki n te intanete. Tai butimwaea aia bubutii ni kan reitaki ma ngkoe aomata aika ko aki raoi kinaia, bwa tao ko rawa ae a na un iroum. Ibukini kangaanga aika kona n riki, a iangoia tabeman bwa a na aki kabonganai taabo n reitaki n te intanete. Ma ngkana ko motinnanoia bwa ko na kabongana, tera ae ko riai n ururingnga?

MATAKU N TE TAAMNEI AE KAWANAWANAKO NI KAMANENAAN TE INTANETE, AO KAEKAI TITIRAKI AIKAI:

• 

  Tera ae ko riai n iangoia imwain ae ko korea te bwai teuana ke ko katokai am taamnei?

• 

  E aera ngkai ko riai n rineiia raoi raoraom n taabo n reitaki n te intanete?

• 

  E aera ngkai ko riai ni kauarerekea kamanenaan taabo n reitaki n te intanete?​—Ebt 5:​15, 16