Baikara Tiia Ake Ko na Uaiakin n te Ririki ni Mwakuri ae Boou?

E irekereke tiara n te onimaki ma bwaai ni kabane ake ti kakorakoraira n uaiakin ibukini kabatiaan riki ara tai ni beku ibukin Iehova ao ni kakukureia. Ti buokaki n anne bwa ti na ikawai n te onimaki ao e materaoi naba ara anganano n ara tai ao korakorara. (1Ti 4:15) E aera bwa ti riai ni katoatai n neneri tiara? Ibukina bwa a bibitaki baika riki ni maiura. E kona n ae tiara rimoa e aikoa manena ngkai, ke tao ti a tia ni kakororaoia ao ni kona ni katea riki teuana.

Te tai ae tamaroa ibukin neneran tiara bon imwaini moanakin te ririki ni mwakuri ae boou. Ko kona ni maroroakina te reirei teuana n ami taromauri n utu ao ni katei tiami n tatabemaningkami nako ao tiami naba n ami utu?

Baikara tiami tabeua n itera aikai, ao tera ami babaire ibukini kakororaoaia?