Kabongana Ara Atureti n te Intanete ae JW.ORG n Am Mwakuri ni Minita

Iai taiani kaongora ao taamnei n ara atureti n te intanete, aika karaoaki bwa a na anai nanoia aomata aika raoiroi aika tiaki taani kakoaua. (Mwa 13:48) A tataekinaki iai baike a mena n aia kaongora aomata ke baike a iaiangoi ma ni mamaroroakin.

Ko na kangaa ni kabongana ara atureti n te intanete ae jw.org n am mwakuri ni minita?

• Tutuoa ara atureti n te intanete. Nonori baike a a tibwa toka ao iaiangoa arom ni kona ni buoka iai ane e kan ongora. (Ibukini kakaaean riki baike a a tibwa toka, kotea “Noria Riki.”) Kakawaran te atureti n te intanete aei, e na buokiko ni karekei am iango aika boou n am mwakuri ni minita.

• Kabonganai kaongora ao taamnei ake n ara atureti n te intanete ni moana iai te maroro. E kona ni buokira aei n ataia bwa tera ae a iaiangoia aomata n ara aono.

• Kaota ara atureti n te intanete nakoia aomata. Katuruturui reirei aika kakawaki, ao kaota aroni kabonganaan ara atureti n te intanete.

• Tibwaanako te ringki. Iai tabeman aika rarawa n itaramata n taetae ma ngaira, ma a kan nanakon ara atureti n te intanete. Ngaia are waekoa n tibwaanako te ringki nakoia aika a kan ongora ibukin ara kaongora ke ara taamnei teuana.