Kakauringi Reirei Aika Moan te Kakawaki

E a tia ni kangaanga iroum uringan te bae ko a tibwa tia n reiakinna? E riiriki anne nakoira ni kabane n te tai teuana ma teuana. Tera ae kona ni buokiko? Kakauringi reirei aika moan te kakawaki.

Ngkana ko ukeuke, toki moa teutana te tai ao iangoi reirei aika rangi ni kakawaki. Nora aron te abotoro Bauro ni buokiia naake a iaiangoa ana reta bwa a na karaoa aei ngke e korea aei: “Aio ngkanne te bwai ae moan te kakawaki.” (Ebera 8:1) N te aro aei, e a buokiia iai n ota n ae e nanonna, ao aron irekerekeni bwaai ni kabane ake e taekin.

Ko kona ni kabanea tao tebwina te miniti n raabanen am tai n ukeuke, ao n iaiangoi baike ko ukeuke i aona. Ngkana ko aki kona n uringi, nora atun te mwakoro ke te kibuntaeka n te reirei ae te moani kibuntaeka ni moan taiani barakirabe bwa ko aonga n uringnga. Ngkana ko reiakina te bwai ae boou, kataia ni kabwarabwaraa n oin am taeka. Ngkana ko kakauringi reirei aika kakawaki ko na buokaki iai n ururingnga ao ni mataata riki n irekereken te kaongora anne ma maium.