Arom ni Karekea te Kukurei Ribuakoni Karuanikain te Maiu Aei​—Tera ae E Taekinna te Baibara?

Ti aki kona n totokoi rikini baika ti kaaitara ma ngaai n taai aika karuanikai aikai. Ma n angiin te tai, e boboto kukureira i aon anuara ao tiaki i aon teini maiura. E taekinna te Baibara bwa “aomata aika kakatonga nanoia, a kukukurei ni maiuia” n aki ongei kangaanga ake a kaaitara ma ngaai. (Taeka N Rabakau 15:​15, Good News Translation) Tera ae ti kona ni karaoia ni karikirakea kukureira? Iangoa aron ana taeka n reirei te Baibara ni kona ni buokiko.

Kekeiaki ni kaitaraa raraomam

E taku te Baibara: “E karawawataa te nano te raraoma are i nanon te aomata, ma e unga n te taeka ae raoiroi.”​—Taeka N Rabakau 12:25.

• E kona ni buokiko te Baibara ni kakerikaaka raraomam ae riao. Ngkana ko kan ataa aron te Baibara ni karaoa anne, wareka te kaongora ae “What the Bible Says About Anxiety.”

Buakana namakinan te rawawata ngkai ko a titiku n tii ngkoe

E taku te Baibara: “E kaotiota te tangira n taai nako te rao ni koaua, ao boni ngaia te tari ae bungiaki ibukin tain te rawawata.”​—Taeka N Rabakau 17:17.

• A kona ana taeka n reirei te Baibara ni buokiko ni buakana namakinan te rawawata ngkai ko a titiku n tii ngkoe, ngkana ko kakorakoraa reitakim ma tabemwaang. Wareka te kaongora ae “Fight Loneliness With Friendship​—How the Bible Can Help.”

Karikirakea tangiran te Atua ao aomata

E taku te Baibara: “Ko riai n tangira Iehova ae Atuam ma nanom ni kabane, maium ni kabane, ao am iango n kabane. . . . Ko riai n tangira raom n aomata n aron tangiram i bon iroum.”a​—Mataio 22:​37-39.

• E kona ni buokira te tataro bwa ti na karikirakea tangiran te Atua. Ibukin reiakinana riki, wareka te kaongora ae “E Ongoraei Ara Tataro te Atua?”

• Ti kaota tangiraia aomata ngkana ti karaoa nanon are e tuangira Iesu n te Kibu ni Koora. Kabwanina riki rongorongona n te kaongora ae “What Is the Golden Rule?”

E aera bwa ko aki reiakina riki aron te Baibara ni kona ni buokiko ni karekea te kukurei ribuakoni karuanikain te maiu aei? Ngkana ko kani karaoa anne, ti kaoko bwa ko na kataa te reirei n te Baibara ae e aki kabooaki.