E Aera Ngkai Kam Kakawari Auti Nako?

E tuangia taan rimwina Iesu bwa a na “reireinia aomata mai buakoia botannaomata nako.” (Mataio 28:​19, 20) Ngke e kanakoia taan rimwina rimoa, ao e tua nakoia Iesu bwa a na nako ni kawari mwengaia aomata. (Mataio 10:​7, 11-13) Imwini maten Iesu, ao a teimatoa Kristian n te moan tienture ni kabutaanako te rongorongo “i mataia aomata ao man te auti teuana ma teuana.” (Mwakuri 5:42; 20:20) Ti kakairi n aia katoto Kristian rimoa akanne, ao ti noria bwa te uarongorongo nakon auti nako bon te anga ae raoiroi ibukini kawaraia aomata.