Kam Kakoauaa Bwa Bon Tii Ami Aro ae Koaua?

A riai ni kakoauaa aomata aika tataromauri bwa te Aro are a kaainna e boni boraoi ma nanon te Atua ao Iesu. Bwa ngkana a aki kakoauaa anne, ao e aera ngkai a kaainna?

E aki inanoi Iesu ma te iango ae a bati Aaro ke kawai, ao a bane ni kairiri nakon te kamaiuaki. Ma e kangai: “E wariki te mataroa ao e reme te kawai ae tiki nakon te maiu, ao a karako akana kunea.” (Mataio 7:14) A kakoauaa Ana Tia Kakoaua Iehova bwa a tia ni kunea te kawai anne, bwa ngke a aki kakoauaa anne, ao a na kamani kakaaea riki aia Aro teuana.