Kam Kakoauaa Iesu?

Eng. Ti kakoauaa Iesu are kangai: “Boni ngai te kawai ao te koaua ao te maiu. Akea ae e na nakon te Tama ma tii ane e rirou.” (Ioane 14:6) Ti kakoauaa ae e roko Iesu mai karawa ao e anga maiuna n aomata ae kororaoi bwa te karea ni kaboomwi. (Mataio 20:28) Matena ao mangautina, e a karekea te anga nakoia naake a kaotiota onimakinana bwa a na karekea te maiu ae aki toki. (Ioane 3:16) Ti kakoauaa naba ae e a tautaeka ngkai Iesu bwa te Uea n Ana Tautaeka n Uea te Atua ae bwaini karawa, ae e nang uota te rau nakon te aonnaba ni kabutaa. (Te Kaotioti 11:15) Ma ti iangoa Iesu n aron are e bon taekinna ibukina ni kangai: “E kakannato riki te Tama nakoiu.” (Ioane 14:28) Ngaia are ti aki taromauria Iesu, kioina ngkai ti kakoauaa bwa bon tiaki ngaia te Atua ae Moan te Mwaaka.