Footnote

a Bauro e mwanewea ana rairai te Baibara ae te Septuagint i aon Abakuka 2:4, are e kabongana naba te kibu n taeka ae “ngkana e kerikaki, ao e aki kukurei tamneiu i rouna.” Te kibu n taeka aei e aki kabonganaki n te kibu aei ni koroboki n Ebera rimoa, ake a tiku ni karokoa boong aikai. Tabeman a taku bwa te Baibara ae te Septuagint e aanaki i aon koroboki n Ebera ake a moantaai riki ni karaoaki, aika a a tia ni bua ngkai. Ma e ngae n anne, Bauro e karin taeka aikai n te kibu aei i aan kairana iroun taamnein te Atua ae raoiroi. Mangaia are e kariaiakaki iroun te Atua.