Footnote

a Ana Tia Kakoaua Iehova aika boutokoa ana Tautaeka n Uea te Atua a aki reitaki ma waaki n tautaeka, ao a aki naba kaungai nanoia aomata bwa a na karitei nakon taian tautaeka. A aki naba karaoa anne n aaba ake a tabuaki ni mwakuri iai taani Kakoaua, ke a bwainikirinaki iai. (Tito 3:1) Ma n ai aron Iesu ma taan rimwina ake a maiu n te moan tienture, a kataia ni karaoa te mwakuri ae manena ao e kaungaunga nakon tangiran bwaai n taamnei, ae akea irekerekena ma aia waaki n tautaeka aomata. Taani Kakoaua a kekeiaki mwaaka ni kataia ni buokia kaain aia kaawa aika raoiroi, bwa a na butimwaea ae e taekinaki n te Baibara ni kaineti ma te itangitangiri n te utu, karaoan ae eti, te aroaro ni maiu ae riai, ao te marurung ni mwamwakuri. Ma a moanibwaia riki reiakinaia aomata bwa a na kakairi n ana reirei te Baibara, ma ni kakaantaninga ana Tautaeka n Uea te Atua, bwa tii ngaia ae e kona ni buokiia.