Footnote

b E taekinaki ae kangai n Nakoaia Ibonga 19:18 (BG): “Ko na tai karereke kai, ao tai kaikoa unim n ekiia nako natiia am koraki, ma ko na tangira raom n ai aron tangiram i bon i roum.” A kakoauaa mataniwi n te Aro n Iutaia bwa a kaineti taeka aika “natiia am koraki” ao “raom” tii nakoia I-Iutaia. A tuangaki I-Iteraera n te Tua anne bwa a na kaokoroia ma natannaomata ake tabeua riki. Ma e ngae n anne, e aki boutokaaki te iango are a karikirakea mataniwi n te Aro n te moan tienture are aomata nako ake tiaki I-Iutaia boni kairiribai ao a riai n ribaaki.