Footnote

a E kakaongora ataakin ana maroro Iesu ae bati mwakorona are e kabongana ngke e taekina te kaikonaki are e riki naba bwa kanikinaean okina ma n tiku. E moan taekina “te toro ae kakaonimaki ma ni wanawana,” ae te koraki ae uarereke ae kaainaki irouia tarina aika kabiraki aika a na kairiri. (Mat. 24:45-​47) Imwina, e anga taiani kaikonaki aika kaineti riki nakoia naake a kantaningaa te maiu i karawa ni kabane. (Mat. 25:1-​30) Ni kabaneana, e taekinia naake a kantaningaa te maiu i aon te aba ake a na boutokaiia tarini Kristo. (Mat. 25:31-​46) N aron anne, kakoroani bukin ana taetae ni burabeti Etekiera ni boong aikai, e kaineti moa nakon te bwai ae e na riki nakoia ake a kantaningaa te maiu i karawa. E ngae ngkai n angiin te tai e aki tei te tautaeka n uea ni baronga aika tebwina ibukia naake a kantaningaa te maiu i aon te aba, ma ti kauringaki n te katiteuanaaki ae kabwarabwaraaki n te taetae ni burabeti aei, taekani katiteuanaakia naake a kantaningaa te maiu i aon te aba ma naake a kantaningaa te nako karawa.