Footnote

a A kakoauaa tabeman taan rabakau i aon te Baibara bwa e mwanewei Iuta kanoan te boki ae karioaki, ae aranaki bwa ana Boki Enoka, ma te boki anne bon tii te karioiango, ao e aki ataaki raoi bwa e nako mai ia, ao e bon aki nako mairoun Enoka. E kakanoa n taeka raoi ake kanoan ana taetae ni burabeti Enoka, ma e bae n ae e kaeweaki man te boki nikawai ae e a aki ataaki ngkai iroura, bwa tao e boni koreaki n te boki ke e bon tii taekinaki n aron are e kakaraoaki ngkoa. E bae ni kabongana naba te boki nikawai anne Iuta, ke e bae n ataa taekan Enoka mairoun Iesu are e a kaman nora maiun Enoka, mai karawa.