Footnote

a N namwakainan te Kauring ao ti kaungaaki iai bwa ti na iaiangoa maiun Iesu ao matena, ao te tangira are e kaotiotia ma Tamana ibukira. Karaoan anne e kona ni kairira bwa ti na karaoa te bwai teuana. E na maroroakinaki n te kaongora aei aanga aika manena aika ti kona iai ni kaotiota ara kakaitau ibukin te kaboomwi ao ara tangira ibukin Iehova ma Iesu. Ti na noria naba iai bwa ti na kangaa ni kairaki bwa ti na tangiriia taari, ti na kaotiota te ninikoria, ao ni kimwareirei n ara beku.