Kamanena te Atu ae “An Introduction to God’s Word”—Ni Moana Iai te Maroro
1. Tera te bwai ni mwakuri ae tauraoi ibukira n te mwakuri ni minita?
1 Iai te mwakoro ae “An Introduction to God’s Word” ni moan iteranibaan Te Baibara ae Tabu ae te Rairai ae te Aonnaba ae Boou are e a tibwa tia n rinanoaki. Ti na kangaa ni kamanena te bwai ni mwakuri ae boou aei ngkana ti katauraoa ara maroro ibukin te mwakuri ni minita? E kona n ibuobuoki ibukini moanakin te maroro kiibu aika kaotaki i aan atu aika kakaokoro, n aron naba are e oti n te boki ae te Reasoning.
2. Ti na kangaa ni kamanenai titiraki aika mena i aan te atu ae “An Introduction to God’s Word” n ara mwakuri ni minita?
2 Ko kona n tabeka te titiraki 8 ni kangai: “Ti kawaria aomata n am aono aei ibukina bwa a bati aika iangoia bwa ‘E riai ni bukinaki te Atua ibukin rawawataia aomata?’ [N aono tabeua, ao e ibuobuoki riki kaotan te titiraki nakoni kaain te auti.] Tera am iango? [Kariaia te kaeka.] E kona n reke karauan nanora n te titiraki anne man te Baibara.” Wareka ao maroroakina te kibu teuana ke tabeua riki aika kaotaki. Ngkana e kan ongora kaain te auti, ko kona ni kaota nakoina 20 titiraki aika karinanaki n te iteraniba ao tuangnga bwa e na rinea teuana ae na maroroakinaki n okim are imwina. Ke ko kona n anganna te boki teuana aika reke iai rongorongo aika bati n te reirei are e na rinanoaki.
3.Ti na kangaa ni kamanenai titiraki aika i aan te atu ae “An Introduction to God’s Word” ibukini moanakin te maroro n aono ake tiaki Kristian kaaia?
3 E kona n ibuobuoki naba titiraki 4 ao 13 ni karokoa 17 n te uarongorongo n aono ake tiaki Kristian kaaia. Te katoto, ko kona ni kamanena te rongorongo man te titiraki 17 ni kangai: “Ti kawaria aomata tii i nanon tabeua te miniti ni maroroakina te ibuobuoki ibukia utu. Ko kakoauaa bwa a kaaitara utu ma kangaanga aika bati ni boong aikai? [Kariaia te kaeka.] A bati taanga ake a ataia bwa a ibuobuoki taeka aika raraoi aikai: “E riai te aine ni korakora karineani buuna irouna.” [E aki kainnanoaki bwa e na taekinaki aei man I-Ebeto 5:33. Ngkana ko maroro ma te aine ae iai buuna, ko kona ni manga taekin riki taeka aika n I-Ebeto 5:28.] Ko iangoia bwa e na kona ni kakabwaiaaki te mare ni maiuakinan te taeka n reirei aei?”
4. Tera ae ko kona ni karaoia n tokin am maroro ma te aomata ae tiaki kaain te aro ni Kristian?
4 N tokin am maroro, karaoa am babaire n reita te maroro n te tai teuana. Tao ko kona ni baireia bwa ko na maroroakina teuana te kiibu man te titiraki are ko kamanena. N te tai ae angaraoi, kariaia kaain te auti bwa e na atai taeka aika raraoi man te Baibara ake ko a tia n tibwai nakoina. Aanga te boki ae ko taku bwa e na anaaki iai nanona ae boto i aon am moani maroro mangaia, ao ana iango te aomata ibukin te Baibara.—Nora te kaongora ae karinaki n Ara Mwakuri ni Minita ae bwain Ritembwa 2013.