MAIURA NI KRISTIAN
Rinea Am Kaakibotu ma te Wanawana
E aera ngkai ti riai n rinea ara kaakibotu ma te wanawana? Ibukina bwa ngkana ti rinea te taamnei ae ti na mataku iai, te anene ae ti na ongoraeia, te atureti teuana ae ti na nako iai, te boki ae ti na warekia, ke te takaakaro teuana n te intanete, ti bon rinea te bae ti na kaona iai ara iango. A kona n rotaki aroarora man ara rinerine. E kananokawaki bwa angiini kanoani kaakibotu ni boong aikai boni baike e ribai Iehova. (TA 11:5; Kar 5:19-21) Ibukin aei, e kaumakira te Baibara bwa ti na teimatoa n iangoi bwaai ake e na neboaki iai Iehova.—Brb 4:8.
MATAKU N TE TAAMNEI AE TERA TE KAAKIBOTU AE I RIAI N RINEIA? AO KAEKAI TITIRAKI AIKAI:
A kangaa n titeboo kamataku aika tiritiri i Rom rimoa ma kaakibotu tabeua ni boong aikai?
A na kangaa kaain te ekaretia ni buokiia aika ataei riki bwa a na rinei aia kaakibotu ma te wanawana?
E na kangaa I-Rom 12:9 n rota arora n rinea ara kaakibotu?
Baikara katoto tabeua ni kaineti ma kaakibotu aika raraoi n am tabo?