REIREI 1

Te Moantaeka ae Anainano

Mwakuri 17:22

KABWARABWARAANA: E riai ni kauekea te kan ongora am moantaeka, taekina am boto n iango, ao kaotia nakoia taan ongora bwa e aera ngkai e kakawaki.

Kauekea te kan ongora. Rinea te titiraki, rongorongoni maiun temanna, baike a nako n te rongorongo, ke te bwai riki teuana ae kakaongora irouia taan ongora.

Kaman iaiangoi baika a tatangiri ao ake a tabeaianga iai, ao kaangaraoia ma am moantaeka.
Taekina am boto n iango. Taraia raoi bwa am moantaeka e na kamataataa te boto n iango ao oin te kantaninga n am kabwarabwara.
Kaota kakawakin te boto n iango anne. Kaangaraoa am taeka ma baike a kainnanoi taan ongora. A riai n ota raoi bwa a na kangaa ni buokaki n te boto n iango anne.

Ngkana ko katauraoa am kabwarabwara titirakiniko ni kangai, ‘Baikara baike a kaaitara ma ngaai taari n au ekaretia?’ Imwina, kaangaraoa am moantaeka ni kaineti ma te baere a kainnanoia.