Taetae ma te Tangira ao te Atataiaomata

1 I-Tetaronike 2:​7, 8

KABWARABWARAANA: Kaota raoi am namakin n am taetae ao kaotia nakoia taan ongora bwa ko tabeakinia.

ARONI KARAOANA:

• Iaiangoiia taan ongora. Kaman iaiangoi aia kangaanga ake a kaaitarai bwa ko aonga ni kona n taetae mai nanom nakoia. Kataia n iangoia bwa tera aia namakin.

• Beberinoi am taeka. Uaiakina ae ko na kabebeteia taan ongora, ko na kaungaia, ao ni kakorakoraia. Rarawa ni kamanenai taeka aika a na kaunia ao tai taetae n te aro ae aki riai ibukia aomata ake tiaki kaain te onimaki, ke ibukin aia koaua.

• Kaotia ae ko tabeakinia. Kaotia ae ko tabeakinia taan ongora man teini bwanaam ae akoi ao kateani kaina ae riai. Ururinga naba tein ubum. Moangare n taai nako.